content a0 a1 a2 a3 a4 a5 a6 a7 a8 a9
Övriga språk / Sámigiella (nordsamiska) / Min barggut

Min barggut

Eiseváldi bidjá gáibádusaid dasa gii hárjeha doaimma suonjardemiin. Mii addit maid ráđiid suojis suonjardeami vuostá. Váhtámušat ja ráđit leat dieđalaš vuođu nalde. Mii ruhtadit dan lassin dutkama.

Mii eat bija dušše gáibádusaid- mii dárkkistit maid ahte dat devdojuvvot. Jus mii fuomášit váilevašvuođaid doaimma suonjarsihkkarvuođas mis leat máŋga vejolašvuođa doaibmat.- ja mii sáhttit mearridit ahte doaibma dakkaviđe galgá bissehuvvot.

Geas lea vástu?

Vástu suonjarsihkkarvuođas lea ollásit dan nalde gii bargá suonjardandoaimmain. Suonjarsihkkarvuođaeiseváldi bargun lea bajilgeahččat ahte vásttuguoddi bargá doaimmain sihkkaris vugiin.

Eiseváldis leat máŋggat sierra rollat ja barggut.

Mudden eiseváldin:

Mii váldit njuolggadusaid doaimmaide mat gieđahallet suonjardeami.

Bearráigeahččaneiseváldin:

Mii dárkkistit ahte dat gii bargá suonjardandoaimmain čuovvu njuolggadusaid ja váldá su suonjarsihkkar-vuođavásttu. Dan mii dahkat dárkkistemiin ovdamearkka dihte atomafápmorusttegiid ja buohcciviesuid sihke industriijaid ja universitehtaid mat geavahit suonjardeami. Mii doarjut maid gielddaid sin šoláriidbearráigeahčus.

Lohppidutki eiseváldin:

Mii dutkat ohcamušaid suonjardandoaimmaid vuođđudeamis dahje rievdadeamis. Mii geahččaladdat ja mearridit lobiid dahje ávžžuhit ráđđehusa mot dat galgá mearridit. Ovdamearka doaimmain mat gáibidit lobi leat atomarusttegat, fámolaš laserrusttegiid ja röntgenrusttegiid  geavaheapmi sihke radioaktiivvalaš materiála fievrrideapmi.

Áššedovdidiehto eiseváldin:

Mii veahkehit diehtoráhkademiin servvodagas min doaibmasuorggis. Dan mii dahkat ruhtademiin dutkama ja čuovvumiin dutkanbohtosiid . Mii addit maid ráđiid ja ávžžuhusaid álbmogii mot suodjalit iežas lunddolaš suonjardeami vuostá ovdamearkka dihte radonas ja beaivvis.

Válmmasvuođaeiseváldin:

Mii ovttastahttit našuvnnalaš suonjarsuddjenválmmasvuođa. Mis lea válmmasvuohta birra jándora jođánit sáhttit gieđahallat čuovvumušaid suonjardanlihkohisvuođain ja dáhpáhusain Ruoŧas dahje olgoriikkain.

Riikkaidgaskasaš ovdánaneiseváldin

 Mii čađahit prošeavttaid mat veahkehit suonjarsihkkarvuođa eará riikkain.

Birasulbmilvástu eiseváldin:

Mii vástidit jearaldagain birasšládjaulbmilis Sihkkar suonjarbiras. Dat mearkkaša ahte doallat radioaktiivvalaš ávdnasiid vuollegažžan, unnidit liikeborašdávdadáhpáhusaid ja gártet riskkaid elektrihkamagnehtalaš giettis ovdamearkka dihte fápmojohtolagaid ja giehtatelefovnnaid –sihke jođihit dárbbašlaš doaimmaid jus mii identifieret riskkaid.

Váldegoddemihtidanbáikin:

Mii dárkkistit instrumeanttaid mat geavahuvvojit buohccidikšumis, dutkamis ja industriijas.


Senast uppdaterad/granskad 2012-12-05