Julevsámegiella (lulesamiska)

Lábttjimsihkarvuohtafábmudahka (Strålskyddsmyndigheten) l ráddidusá vuollásasj  ja gullu Birásdepartementa åvdåsvásstádusguovlluj. Miján la tjoahkke åvdåsvásstádus lábttjimsuoje ja atomafábmosihkarvuoda guovlojn. Fábmudahka barggá bádtjimijn ja duostudimijn suoddjitjit ulmutjijt ja birrasav lábttjima sávadahtes båhtusijs, dálla ja boahtteájgen.

Mijá lunna barggi ienep gå 300 ulmutja máhttudagájn guovlojn nåv gåk teknijkka, luonndodieda, dåmajdimdieda , juridijkka, ekonomiddja ja guládallam.

Rahtjap agev åvdedit mijá dåjmav aktelasj buoredimij baktu mierredum njuolgadusájs kvalitähttaj, birrasij ja barggobirrasij.

Rijkabiejvve ja ráddidus mierret Lábttjimsihkarvuohtafábmudagá dahkamusá ja budjehta birra, valla nåv gåk ietjá fábmudagá mierredip iesjradugit aktugasj ássjijn.

Lábttjimsihkarvuohtafábmudagán la budjähtta bájken 400 millijåvnnå kråvnå/jahkáj. Doajmma biednigahteduvvá ienemusát mávsoj ja ietján skáhtteluohkoj.

Generaldirektörra Mats Persson, gut ráddidusás nammaduváj fábmudagáv lájddi.